Azərbaycanda bu il fermerlərə 214 mln. manata yaxın subsidiya ödənilib

Azərbaycanda bu il fermerlərə 214 mln. manata yaxın subsidiya ödənilib
# 07 iyul 2020 11:50 (UTC +04:00)

Azərbaycanda payızlıq əkin üzrə 334 676 fermerə 164,75 mln. manatdan çox subsidiya ödənilib.

Bu barədə "APA-Economics"ə Aqrar Kredit və İnkişaf Agentliyindən (AKİA) bildirilib.

Agentlikdən qeyd ediblər ki, ümumilikdə, 339 700 fermer tərəfindən bəyan edilən payızlıq əkin üçün 1 015 847 hektar ərazi üzrə təsdiqlənən bəyanların sayı 644 647 ədəd təşkil edib.

AKİA-dan həmçinin bildirilib ki, 44 452 fermer tərəfindən 121 012 hektar yazlıq əkin əraziləri bəyan edilib ki, onlardan 72 438-i təsdiqlənib. Yazlıq əkin üzrə 34 804 fermerə 18,63 mln. manatdan çox subsidiya ödənilib.

Əlavə olaraq, 60 995 fermer tərəfindən 110 645 hektar çoxillik əkin əraziləri bəyan edilib ki, onlardan 122 748-i təsdiqlənib. Çoxillik əkin üzrə 57 157 fermerə 30,39 mln. manatdan çox subsidiya ödənilib.

"Beləliklə, fermerlərə payızlıq, yazlıq həm də çoxillik əkin üzrə ümumi olaraq 213,79 mln. manatdan çox subsidiya ödənilib", - deyə Agentlikdən qeyd ediblər.

Xatırladaq ki, 2020-ci ilin subsidiya məbləği 241 mln. manat təşkil edir. Bu günə ümumilikdə, Elektron Kənd Təsərrüfatı İnformasiya Sistemində 505 245 fermer qeydiyyatdan keçib.

#
#

ƏMƏLİYYAT İCRA OLUNUR