Qoşqar Təhməzli: "Qida məhsullarının ixracında əhəmiyyətli artım əldə olunub"

#
# 13:08
13 fevral 2020

"Ölkəmizdən qida məhsullarının ixracında əhəmiyyətli artım əldə olunub".

APA xəbər verir ki, bunu Qida Təhlükəsizliyi Agentliyinin (AQTA) sədri Qoşqar Təhməzli Yeni Azərbaycan Partiyasının (YAP) İcra Katibliyində keçirilən mətbuat konfransında deyib.

O bildirib ki, ötən il ərzində 23 138 ton fındıq Agentlik tərəfindən müvafiq sertifikatlarla (qida təhlükəsizliyi sertifikatı, fitosanitar sertifikatı) təmin olunaraq  ixrac edilib: "Ölkədən Avropa İttifaqına ixrac olunan fındıqdan 2018-ci ildə 18 nəqliyyat vasitəsi tərkibində aflotoksinin miqdarının yüksək olması səbəbindən geri qaytarılıb. 2018-ci ilin ilk yarısında 17, ikinci yarısında isə (Agentlik fəaliyyətə başladığı dövrdə) cəmi 1 avtonəqliyyat vasitəsi geri qaytarılıb".

AQTA sədri qeyd edib ki, 2019-cu il ərzində 28 573.2 dkl şərab məhsulu qida təhlükəsizliyi sertifikatı ilə təmin olunaraq, əsasən Avropa İttifaqı ölkələrinə, eləcə də Rusiya və Çinə ixrac olunub: "Ötən il ərzində 580 934 ton meyvə-tərəvəz, o cümlədən 61 089 ton kartof müvafiq sertifikatla təmin olunaraq ixrac edilib. Həmin meyvə və tərəvəz məhsullarından cəmi 8 avtonəqliyyat vasitəsi ixrac olunduğu ölkələrdən geri qaytarılıb. Bu, meyvə tərəvəz məhsullarının ümumi ixracının 0,02 %-ni təşkil edir".

#
#

ƏMƏLİYYAT İCRA OLUNUR