Rusiya bu il Azərbaycana 109 min ton şəkər ixrac edib, bu da illik ifadədə 54,5 dəfə çoxdur.
“APA-Economics”in Rusiya mətbuatına istinadın verdiyi məlumata görə, ötən ilin yanvar-iyun ayları ərzində Rusiya Azərbaycana 2 min ton şəkər ixrac edib.
Məlumata əsasən, ixracatın artması şəkər çuğundurunun yüksək məhsuldarlığı ilə əlaqədardır.
Rusiya Statistika İdarəsinin məlumatına əsasən, 2019-cu ildə çuğundur yığımı 2018-ci ilin göstəricisi ilə müqayisədə 29% artaraq 54,3 mln. ton təşkil edib.
Məlumatda qeyd edilir ki, 2019-2020 mövsümündə şəkər ixracı dörd dəfədən çox artırmaqla, Rusiya Federasiyası dünyada şəkər tədarükçülərinin ilk onluğuna daxil olub. Bildirək ki, indiyə qədər Rusiya bu məhsulun ən böyük ixracatçıları siyahısında olmayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
