Bu ilin yanvar-sentyabr aylarında Rusiyanın Stavropol vilayətindən ət və süd məhsullarının ixracı 90,8 mln. ABŞ dollar təşkil edib ki, bu da 2019-cu ilin eyni dövrünə nisbətən 13% çoxdur.
"APA-Economics" xəbər verir ki, bu barədə Stavropol vilayətinin Kənd Təsərrüfatı Nazirliyinin məlumatında deyilir.
Qeyd olunub ki, 2020-ci ilin doqquz ayı ərzində Stavropol vilayətindən 58,9 min ton heyvandarlıq məhsulu ixrac edilib, məhsulun 96%-ni quş əti təşkil edib. Quş əti satışının ümumi həcmi 2,7 min tona vərabər olub.
Əsas heyvandarlıq məhsullarının idxalçıları Çin (53%), Səudiyyə Ərəbistanı (18%), Ukrayna (8%) və Azərbaycan (4%) olub.
Həmçinin, bu ildən etibarən Stavropolun "Resurs" şirkəti Afrika ölkələrinə (Anqola, Benin, Qana, Konqo, Syerra-Leone və s.) tədarükü bərpa edib.