İlin əvvəlindən bu günədək Aqrar Kredit və İnkişaf Agentliyinin (AKİA) vəsaitləri hesabına fermerlərə 30 mln. manat kredit verilib.
Kənd Təsərrüfatı Nazirliyindən “APA-Economics”ə verilən məlumata görə, ayrılan kreditin 17 mln. manatdan çoxu güzəştli texnika krediti, 11 mln. manatı mikrokredit, 2 mln. manatı isə digər aşağı faizli kənd təsərrüfatı təyinatlı kreditlərdir. Bunlar arasında məbləğ baxımından texnika kreditləri üstünlük təşkil edir.