2020-ci ildə Ukraynadan Azərbaycana ixracatın 49%-i kənd təsərrüfatı məhsullarından ibarət olub.
"APA-Economics" xəbər verir ki, bu barədə Ukraynanın Biznes və Ticarət Assosiasiyasının İdarə Heyətinin sədri Dmitri Los NV-dəki bloqunda məlumat yayıb.
O, tədarük edilən məhsulların xammal xarakteri daşımadığını, lakin yüksək dəyərə malik olduğunu qeyd edib.
"Söhbət tütün məmulatlarından, ət, süd və qənnadı məmulatlarından, şəkərdən, yağdan və sair məhsullardan gedir. Ukraynanın ixrac olunan üç ən böyük mal kateqoriyasında iki mövqe kənd təsərrüfatı məhsullarını təmsil edir. Ət və içalat tədarükünün 52%-i dondurulmuş mal ətindən, 48%-i isə dondurulmuş toyuq ətindən ibarət olub", - ekspert əlavə edib.
Bundan əlavə, Ukrayna Azərbaycana dərman məhsulları, qara metallar və onlardan hazırlanmış məhsullar, eləcə də müəyyən növ digər avadanlıqlar tədarük edib. D. Los Azərbaycanın iqtisadi mənada Ukrayna üçün cəlbedici ölkə olduğunu vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
