Əfqanıstanda məsciddə partlayışda ölənlərin sayı artır.
APA-nın NTV-yə istinadən verdiyi məlumata görə, bu gün Kabil əyalətinin Şəkərdərə rayonunda cümə namazı vaxtı törədilən partlayışda ölənlərin sayı 12-yə yüksəlib.
Xeyli yaralının olduğu bildirilir.
Partlayışa görə hələlik heç kim məsuliyyəti öz üzərində götürməyib.
***
13.53
Əfqanıstanda məsciddə partlayış törədilib.
APA-nın RİA Novosti agentliyinə istinadən məlumatına görə, yerli KİV xəbər verir ki, Kabil əyalətində cümə namazı vaxtı baş verən partlayış nəticəsində ən azı 4 nəfər həlak olub, 20 nəfər yaralanıb.
Ölənlərin sayının artacağı ehtimal edilir.