Əfqanıstanda qızıl mədənində torpaq sürüşməsi baş verib.
APA-nın “Tolo News”a istinadən verdiyi xəbərə görə, hadisə Əfqanıstanın şimal-şərqində, Badaşxan əyalətində qeydə alınıb.
Məlumata əsasən, hadisə baş verən zaman qızıl mədənində 40-a yaxın insan olub.
Yerli sakinlər 5 nəfərin meyitini aşkarlayıblar, 35 nəfər itkin düşüb.
Əyalət qubernatorunun nümayəndəsi Nek Məhəmməd Nəzəri bildirib ki, qızıl mədəninin yerləşdiyi ərazi “Taliban” hərəkatının nəzarəti altında olduğu üçün yerli hakimiyyət itkin düşmüş şəxslərin axtarışlarında iştirak edə bilmir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
