İran parlamenti dinini dəyişən müsəlmanların ölüm hökmünə məhkum edilməsi barədə qanun qəbul edib
25 sentyabr 2008 08:21 (UTC +04:00)
APA-nın məlumatına görə, parlament üzvləri şəriət qanunlarını əsas götürərək islam dinindən imtina edən kişilərin ölüm cəzasına, qadınların isə ömürlük həbs cəzasına məhkum edilməsinə qərar veriblər. Yeni qanunun digər müddəalarına əsasən, ekstrasenslər, falçılar və homoseksualistlər də ölüm cəzasına məhkum ediləcəklər. Bu ağır cəza şüurlu çağında islam dinindən imtina edən kişi və qadınlara şamil olunur. Səsvermə zamanı İran parlamentinin 196 deputatı qanunun lehinə, 7 deputat əleyhinə səs verib, iki millət vəkili isə bitərəf qalıb. Avropanın missioner təşkilatları İran parlamentinin bu qərarını pisləyiblər. Qeyd edək ki, bu ilin mayında Şirazda xristian dinini qəbul edən iki kişi həbs olunub. İran İnqilab Məhkəməsi hər iki şəxsə ölüm cəzasının verilməsini tələb edir.
Asiya
Türkiyə XİN İsraillə İrana çağırış edib
14:40
19 aprel 2024
KİV: İranın İsrailə qarşı dərhal cavab tədbirləri görmək planı yoxdur
11:22
19 aprel 2024
İsrail Suriyanın şimalını bombalayıb
10:59
19 aprel 2024
AEBA İranın nüvə obyektlərinin İsrailin zərbələrindən zərər görmədiyini açıqlayıb
10:01
19 aprel 2024