ABŞ-ın Əfqanıstan üzrə xüsusi elçisi Tomas Vest Pakistanda Talibanın xarici işlər naziri Əmir Xan Müttəqi ilə görüşəcək.
APA-nın “France 24”ə istinadən verdiyi xəbərə görə, bu barədə ABŞ Dövlət Departamenti məlumat yayıb.
Noyabrın 11-də baş tutacaq görüşdə Çin və Rusiyadan olan yüksək səviyyəli diplomatlar da iştirak edəcək.
Bu, ABŞ-ın Əfqanıstan üzrə xüsusi elçisinin regiona ilk səfəridir. Onun Rusiya və Hindistana da səfəri planlaşdırılır.