Əfqanıstanda İŞİD terror təşkilatının 7 döyüşçüsü Xost əyalətinə hücum hazırladıqları üçün saxlanılıblar.
APA TASS-a istinadən xəbər verir ki, bu barədə əyalətin qubernatoru Məhəmməd Nabi Öməri bildirib.
“Taliban” döyüşçüləri Xost əyalətində terror aktları törətməyi planlaşdıran 7 İŞİD silahlısını saxlayıblar. Dindirilmə zamanı onlar vacib etiraflar ediblər”, - deyə “Al Jazeera” telekanalı qubernatordan sitat gətirib.
Qeyd edək ki, çərşənbə günü Əfqanıstanın cənub-şərqindəki Xost əyalətində bir məsciddə partlayış törədilib, nəticədə bir nəfər ölüb, 14 nəfər yaralanıb. Bu partlayışa görə məsuliyyəti İŞİD silahlıları öz üzərinə götürüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
