İordan çayının qərb sahilində İsrail polisi ilə toqquşmalarda azı 386 fələstinli yaralanıb.
APA TASS-a istinadən xəbər verir ki, bu barədə Fələstin Qızıl Aypara Cəmiyyəti məlumat yayıb.
“Briqadalarımızın çalışdığı yaralıların ümumi sayı 386-ya çatıb”, - məlumatda belə deyilir.
Məlum olub ki, onlardan 286-sı gözyaşardıcı qazdan zəhərlənib, 55-i rezin güllələrlə atəş nəticəsində yaralanıb, 38 fələstinli yanıq xəsarətləri alıb, daha 7 nəfər isə əl qumbarası ilə yaralanıb.