Kabil Beynəlxalq Hava Limanı bu gün rəsmi olaraq daxili və beynəlxalq uçuşları bərpa edib.
APA-nın “Khaama Press” agentliyinə istinadən verdiyi xəbərə görə, bu barədə ölkənin Mülki Aviasiya Departamenti məlumat yayıb.
Mülki Aviasiya Departamenti hava limanının əsasən səhər saat 06:00-dan axşam saat 18:00-aa qədər gündəlik 12 saat işlədiyini açıqlayıb.
Bildirilib ki, ilk ticari beynəlxalq uçuş sentyabrın 19-da İslamabada olub.
Xatırladaq ki, “Taliban”ın ölkəyə nəzarəti tam ələ keçirməsindən sonra hava limanında baş verən xaos və avqustun 26-da aeroport yaxınlığında törədilən terror aktı nəticəsində Kabil hava limanının uçuş-enmə zolağına və terminallara ciddi ziyan dəyib. Hava limanının fəaliyyətinin bərpasına Qətər və Türkiyədən olan texniklər kömək edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
