Pakistanın Bəlucistan əyalətində baş verən zəlzələ nəticəsində 20 nəfərin öldüyü bildirilir.
APA xəbər verir ki, bu barədə "Dawn" qəzeti yerli xilasetmə xidmətinə istinadən yazıb.
Bundan əvvəl “Agence France-Presse” təcili tibbi yardım xidmətinə istinadən, təbii fəlakət nəticəsində 15 nəfərin öldüyünü bildirmişdi.
Yerli qəzetin yazdığına görə, 300-dən çox adam da xəsarət alıb.
***
Saat 04:28
Pakistanın Bəlucistan əyalətində baş verən zəlzələ nəticəsində azı 15 nəfər ölüb.
APA xəbər verir ki, bu barədə “France Presse Agence” məlumat yayıb.
***
Saat 04:11
Pakistanda 5,7 bal gücündə zəlzələ baş verib.
APA xəbər verir ki, bu barədə ABŞ Geoloji Araşdırmalar Xidməti (USGS) məlumat yayıb.
Məlumata görə, zəlzələ Qrinviç vaxtı ilə saat 22:01-də (Bakı vaxtı ilə saat 02:01) qeydə alınıb. Yeraltı təkanların episentri Harnai şəhərindən 14 kilometr şimal-şərqdə, ocağı isə 20,8 kilometr dərinlikdə yerləşib.
Zəlzələ nəticəsində tələfat və ya dağıntılar barədə məlumat verilməyib.