Rusiya Prezidenti Vladimir Putinlə Pakistanın Baş naziri İmran Xan arasında telefon danışığı olub.
APA-nın Moskva müxbirinin Kremlin mətbuat xidmətinə istinadən verdiyi məlumata görə, Putin və İmran Xan Əfqanıstandakı vəziyyəti müzakirə ediblər.
Bu ölkədə sülhün, təhlükəsizliyin, ölkədaxili dialoqun dəstəklənməsinin vacibliyi qeyd olunub. Bildirilib ki, ölkə daxilində dialoqun qurulması əhalinin bütün qruplarının maraqlarını nəzərə alan inklüziv hökumətin formalaşdırılmasına kömək olar.
Əfqanıstan problemlərinə həm ikitərəfli, həm də çoxtərəfli formatda yanaşmaların koordinasiyası razılaşdırılıb. Eyni zamanda, Şanxay Əməkdaşlıq Təşkilatının imkanlarından regional sabitliyin təmin edilməsində, həmçinin terrorizm və narkotik təhlükəsi ilə mübarizədə istifadə olunmasının məqsədəuyğunluğu qeyd edilib.
Ticarət-iqtisadi əlaqələrin inkişafı, enerji və humanitar sahələrdə birgə layihələrin həyata keçirilməsi də daxil olmaqla ikitərəfli gündəlikdə duran bir sıra mövzulara toxunulub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
