Suriya ordusunun konvoyuna qarşı silahlı hücum olub.
APA-nın xəbərinə görə bu barədə Suriyada İnsan Haqlarını Müşahidə Qrupu məlumat yayıb.
Baş qərargahı Londonda yerləşən təşkilat bildirir ki, hadisə Deyr əz-Zor vilayətində baş verib. Pusquya salınan konvoya avtomat silahlardan atəş açılması nəticəsində 13 hərbçi həlak olub, bir nəfər yaralanıb. Hadisəyə görə məsuliyyəti İŞİD terror qruplaşması üzərinə götürüb.