Suriyada silahlılar 15 müəllimi qaçırıblar

Suriyada silahlılar 15 müəllimi qaçırıblar
# 26 sentyabr 2021 22:42 (UTC +04:00)

“Suriya Demokratik Qüvvələri” (SDQ) kürd-ərəb birləşmələrinin döyüşçüləri Suriyanın şimal-şərqindəki Əl-Haseke əyalətində bir məktəbdən 15 müəllimi qaçırıblar.

APA xəbər verir ki, bu barədə Suriyanın “SANA” agentliyi yerli mənbələrə istinadən məlumat yayıb.

Məlumata görə, SDQ döyüşçüləri Kamışlı şəhərinin bir neçə yaşayış massivinə basqın edərək 15 məktəb müəllimini şəhərdə tətbiq olunan komendant saatını pozduqları bəhanəsi ilə naməlum istiqamətə aparıblar.

Qeyd edək ki, kürd silahlı birləşmələri ABŞ ordusunun dəstəyi ilə Əl-Haseke və Rəqqa əyalətlərinin əksəriyyətinə, həmçinin Hələb və Deyr-əz-Zor əyalətlərində bəzi yaşayış məntəqələrinə nəzarət edir.

#
#

ƏMƏLİYYAT İCRA OLUNUR