“Taliban” hərəkatı xarici ölkələrin hərbi qulluqçularının Əfqanıstandan tam təxliyəsindən sonra Kabil aeroportunun idarə edilməsi üçün Türkiyədən texniki yardım istəyib.
APA-nın xəbərinə görə, bu barədə “Reuters”ə anonim Türkiyə rəsmisi məlumat verib.
Mənbə qeyd edib ki, bununla belə hərəkat Ankaradan avqustun 31-dək hərbçilərini Əfqanıstandan tam çıxarmasını istəyib.
"Reuters"ə məlumat verən digər Türkiyə rəsmisi isə müraciətlə bağlı yekun qərarın avqustun 31-dək qəbul ediləcəyini qeyd edib.