Türkmənistanın xarici işlər naziri Rəşid Meredov Əfqanıstana səfər edib.
APA-nın "Baktar" agentliyinə istinadən verdiyi xəbərə görə, Kabil hava limanında türkmənistanlı naziri Talibanın müvəqqəti hökumətində Əfqanıstanın xarici işlər naziri təyin edilmiş Əmir Xan Möttəki, Əfqanıstanın informasiya və mədəniyyət nazirinin müavini Zabihullah Mücahid və digər yüksək vəzifəli Taliban üzvləri qarşılayıb.
Daha sonra Meredov və Möttəki arasında görüş keçirilib.
Qeyd edək ki, bir neçə gün öncə Türkmənistan XİN rəhbəri beynəlxalq ictimaiyyəti Əfqanıstan iqtisadiyyatının bərpasına kömək etməyə çağırıb və Aşqabadın Kabilin iştirakı ilə regional layihələrin həyata keçirilməsinə yardım etməyə hazır olduğunu bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
