Tailandın Pattaya şəhərində keçirilən ağır atletika üzrə dünya çempionatı davam edir.
APA-nın məlumatına görə, 105 ölkədən 734 atletin qatıldığı yarışda Azərbaycan millisinin ilk üzvü körpücük üzərinə çıxıb.
Səbinə Əzimova 55 kq çəki dərəcəsinin C qrupunda mübarizəyə qoşulub. İdmançı toplam 181 kq (79 kq+102 kq) nəticə ilə qrupda 4-cü yeri tutub.
S. Əzimovanın yekun sıralamada tutduğu pillə B və A qrupunda mübarizə başa çatandan sonra məlum olacaq.
Qeyd edək ki, Azərbaycan mundialda 3 ağırlıqqaldıranla təmsil olunur.