Efiopiya idmançısı Letesenbet Gidey Niderlandda keçirilən turnirdə 10 000 metr məsafəyə qaçış üzrə yeni dünya rekorduna imza atıb.
APA TASS-a istinadən xəbər verir ki, 23 yaşlı idmançı məsafəni 29 dəqiqə 1,3 saniyəyə qət edərək niderlandlı Sifan Hassanın 5 iyun tarixində əldə etdiyi nailiyyəti üstələyib.
“Dünya rekordunu təzələyəcəyimə ümid edirdim. Əlbəttə ki, növbəti dəfə rekordumu qırmağa çalışacağam və 29 dəqiqəyə qaçışı bitirəcəm”, - Gedey belə deyib.
23 yaşlı idmançı dünya çempionatının gümüş medalçısıdır. Onun dünya kross çempionatında beş qızıl və bir gümüş medalı da var.