Bakıda keçirilən atıcılıq üzrə Avropa çempionatının 11-ci gününə yekun vurulub. Apasport.az saytının məlumatına görə, kişilərin 25 m məsafədən mərkəzə atəş açma yarışında komanda hesabında Ukrayna qələbə qazanıb.
Onlar 1732 xal toplayıb. Almaniya 2-ci, Fransa 3-cü olub. Azərbaycan yığması komanda yarışına qatılmayıb.
Kişilərin 300 m məsafədən üç vəziyyətdə atəş açma yarışında Fransa millisi komanda hesabında 1-ci olub. İsveçrə 2-ci, Avstriya 3-cü olub. Bu növdə Azərbaycan yığması iştirak etməyib.
Kişilərin skit yarışında isə Cavid Həsənov çıxış edib. Təsnifat mərhələsində mübarizəni dayandıran təmsilçimiz 57 xal toplayıb və 38 idmançı arasında 37-ci olub. Qadınların komanda yarışında İtaliya 1-ci, Ukrayna 2-ci, Kipr 3-cü yeri tutub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
