“Gilan Holding”in dəstəyi ilə Bakıda ilk dəfə maneəli ekstremal yarışma keçiriləcək

“Gilan Holding”in dəstəyi ilə Bakıda ilk dəfə maneəli ekstremal yarışma keçiriləcək
# 18 sentyabr 2017 07:15 (UTC +04:00)

Sentyabrın 23-də FHN-in Təlim-Tədris mərkəzində “Gilan Holding”-in, Fövqəladə Hallar Nazirliyinin, Gənclər və İdman Nazirliyinin və Milli Olimpiya Komitəsinin təşkilati dəstəyi ilə Bakıda ilk dəfə maneəli ekstremal yarışma keçiriləcək.

“Mübarizlər” layihəsi ekstrimsevərlərə fəal istirahətin tam yeni formatını təklif edir - çətin keçilən ərazidə maneəli qaçış.

Maneələr xüsusi olaraq elə hazırlanıb ki, trasın keçməsində iştirakçıların bütün qrup əzələləri cəlb olunsun. “Mübarizlər” maneələrinin sırasında: əllə keçid qurğuları, kəndirlə fəth edilən asma divarlar, suya 5 metr hündürlükdən tullanma, eniş, ağır yük daşıma və digər çoxsaylı maneələr var. Maneələrin çoxu - taxta və metallardan hazırlanmış mürəkkəb konstruksiyalardır.

Komanda iştirakı üçün 5 km uzunluğu olan trası fəth etmək lazımdır. Çempionat iştirakçılarını isə 10 km-lik və 42 maneədən ibarət marşrut gözləyir.

Çətin marşrutu seçənlər çempionat iştirakçısı olmaqla 30 000 manat təşkil edən mükafat fondu uğrunda mübarizə aparacaqlar. İlk 10 yerin sahibi pul mükafatına layiq görüləcək.

Hər iki format üçün parking, idman və əyləncə fəaliyyəti təqdim edən fan-zona, konsert proqramı, duş kabinaları və geyinib-soyunma otaqları nəzərdə tutulub.

İdman formasından asılı olmayaraq yarışmada istəyən hər kəs iştirak edə bilər –sadəcə mubarizler.az saytında qeydiyyatdan keçmək kifayətdir.

Hal-hazırda maneəli yarışmalar bütün dünyada məşhurlaşan fəaliyyətlərdən biridir. Yeni idman növünə çevrilərək, bu yarışmalar artıq klassik idman növlərini geridə qoyur.

Dünyanın ən məşhur trendlərdən birinə qovuşmaq, idman və sağlamlıq festivalında əylənmək və həmfikirlərlə ünsiyyət yaratmaq üçün bu unikal şansı əldə etməyi sizə təklif edirik.

Layihənin məlumat dəstəyini APA agentliyi təqdim edir.

Yarışma haqqında daha ətraflı məlumatı bizim saytdan və ya ictimai şəbəkələrdən əldə edə bilərsiniz.

#
#

ƏMƏLİYYAT İCRA OLUNUR