ABŞ Dövlət katibi Gürcüstana rəsmi səfərə gəlib
ABŞ Dövlət katibi Mayk Pompeo Gürcüstanda rəsmi səfərədir.
APA-nın yerli bürosu Gürcüstanın Xarici İşlər Nazirliyinə istinadən bildirir ki, səfər çərçivəsində M.Pompeo Baş nazir Giorgi Qaxariya Gürcüstan Prezidenti Salome Zurabişvili və Xarici İşlər naziri Davit Zalkaliani ilə görüşlər keçirəcək.
Yüksək səviyyəli görüşlərdə ABŞ-Gürcüstan Strateji Tərəfdaşlıq Xartiyasının prioritetləri və ölkələr arasında müdafiə və təhlükəsizlik, habelə ticarət və iqtisadiyyat, demokratiya, humanitar və mədəniyyət sahələrində əməkdaşlığın daha da dərinləşdirilməsi perspektivləri müzakirə ediləcək.
Səfər zamanı tərəflər Gürcüstan və bölgədəki təhlükəsizlik mühiti, regional və beynəlxalq təhlükəsizliyin gücləndirilməsi üçün ölkələr arasında əməkdaşlıq məsələləri, Gürcüstanda demokratik və iqtisadi islahatlar barədə müzakirə aparacaq. M.Pompeonun Gürcüstana səfəri sabah başa çatacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
