Avropa İttifaqı (Aİ) iyulun 1-dən sərhədlərini xarici vətəndaşlara qismən açacaq.
APA-nın "euronews"a istinadən verdiyi xəbərə görə, Avropa Komissiyası bununla bağlı üzv ölkələrə çağırış edib.
Avropa Komissiyası üzv ölkələrdən, Aİ-yə üzv olmayan ölkələrin siyahısı barədə razılığa gəlməyi tapşırıb. Bu ölkələrin vətəndaşları iyulun 1-dən etibarən Aİ ölkələrinə səyahət edə biləcək.
“Beynəlxalq səyahət turizm və biznes üçün, həmçinin ailələr və dostların bir araya gəlməsi üçün çox vacibdir”, - deyə Avropa Daxili İşlər Komissarı Ylva Johansson vurğulayıb.
Qadağalarla bağlı istisnalar tələbələrə, təşkilata üzv ölkələrdən hər hansı birində yaşayan, lakin Aİ-yə üzv olmayan ölkənin vətəndaşlarına və yüksək ixtisaslı işçilərə tətbiq ediləcək.
İyunun 15-dən etibarən isə Aİ-yə üzv 27 ölkə arasında sərhədlər açılacaq.
Avropa Komissiyası səyahətlə bağlı Albaniya, Bosniya və Hersoqovina, Kosova, Monteneqro, Şimali Makedoniya və Serbiyaya tətbiq olunan qadağaları aradan qaldırmağa çağırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
