Almaniya Əfqanıstandakı qoşunlarını daha tez çıxaracaq

#
# 13:24
21 aprel 2021

Almaniya Əfqanıstandakı qoşunlarını daha tez çıxarmağa hazırlaşır.

APA-nın xəbərinə görə, bu barədə Almaniya Müdafiə Nazirliyinin mətbuat katibi DPA-ya bildirib.

“Hazırda Kabildə NATO-nun Qətiyyətli Dəstək qərargahı qoşunların Əfqanıstandan çıxarılmasını daha da tezləşdirməyi düşünür. 4 iyul qoşunların çıxarılmasına başlamaq tarixi kimi müəyyən edilib. İştirakçı ölkələr hazırda yaranan çətinlikləri və nəticələri araşdırırlar. Lakin tarixlə bağlı son qərarvermə hüququ NATO Şurasında qalır”, - deyə mətbuat katibi vurğulayıb.

Qeyd edək ki, daha əvvəl Almaniyanın müdafiə naziri Annegret Kramp-Karrenbauer alman hərbçilərinin avqust ayının ortalarına qədər Əfqanıstandan çıxarılacağını bildirmişdi. 1100 əsgərlə Almaniya, təqribən 10 000 nəfərlik NATO qüvvələri arasında ABŞ-dan sonra ikinci böyük kontingenti təmsil edir.

Xatırladaq ki, ABŞ qoşunlarını Əfqanıstandan sentyabrın 11-dək çıxaracağını açıqlayıb.

#
#

ƏMƏLİYYAT İCRA OLUNUR