Britaniya parlamentinin üzvü COVID-19-a yoluxmağına baxmayaraq, ictimai nəqliyyatdan istifadə etdiyi üçün partiyadan kənarlaşdırılıb.
APA-nın Britaniya bürosunun “Sky News”a istinadən verdiyi xəbərə görə, parlamentin üzvü Margaret Ferrier COVID-19 testinin müsbət nəticələnməsinə baxmayaraq, evə getmək üçün qatardan istifadə edib. Hadisənin məlum olmasından sonra M.Ferrier SNP-dən (Şotlandiya Milli Partiyası) müvəqqəti olaraq uzaqlaşdırılıb.
“Etdiyim bu davranış çox yanlış idi və buna görə üzr istəyirəm”, - deyə M.Ferrier etdiyi əmələ görə peşman olduğunu bildirib.
Xatırladaq ki, hazırda Britaniyada koronavirusa yoluxanların sayı 460 178 nəfərə, ölənlərin sayı isə 42 202 nəfərə çatıb.