Parisdə “Charlie Hebdo” satirik jurnalının keçmiş redaksiyasının yerləşdiyi binanın yaxınlığında naməlum şəxs bıçaqla insanlara hücum edib.
APA-nın xəbərinə görə, bu barədə BFMTV telekanalı məlumat yayıb.
Hadisə nəticəsində 4 nəfər xəsarət alıb, onlardan ikisinin vəziyyəti ağırdır.
Naməlum şəxs hadisə yerindən qaçıb.
Fransanın Baş Naziri Jan Kasteks faktı təsdiqləyib.
Qeyd edək ki, 2015-ci ilin yanvar ayında Parisdə “Charlie Hebdo” satirik nəşrinin redaksiyasına silahlı hücum olub, nəticədə 12 nəfər ölüb, 11 nəfər yaralanıb. Bundan sonra redaksiyanın ünvanı dəyişib.