Fransada yenidən nümayişlər başlayıb, 27 polis yaralanıb, saxlanılanlar var

Fransada yenidən nümayişlər başlayıb, 27 polis yaralanıb, saxlanılanlar var
# 01 may 2021 22:02 (UTC +04:00)

Fransanın paytaxtı Parisdə, Lill, Nant və Liyonda keçirilən 1 May nümayişləri zamanı radikal qüvvələrlə polis arasında toqquşma olub.

APA TASS-a istinadən xəbər verir ki, polislə qarşıdurma Parisin Xal meydanında daha qabarıq şəkildə olub.

Qara geyimli bir qrup etirazçı şəhərdə zibil qutularını yandırmağa, ticarət və digər obyektlərə müxtəlif dərəcədə zərər vuraraq polisə müxtəlif əşyalar atıblar.

Şəhər Polis İdarəsi meydanda olanları təcili yardım xidmətinə yaralıların çıxarılması ilə bağlı müdaxilə etməməyə çağırıb. Bəzi yerlərdə etirazçılar yanğınsöndürənlərə yandırdıqları tonqallara yaxınlaşmağa imkan verməyiblər.

Polis radikallara qarşı gözyaşardıcı qaz bombasından və su şırnaqlarından istifadə etməyə məcbur olub.

Liyonda nümayişlərin dağıdılması zamanı 27 polis və jandarma zabiti yaralanıb, azı 5 nəfər nəzarətə alınıb. Son məlumatlara görə, Parisdə 34 nəfər etirazçı saxlanılıb.

#
#

ƏMƏLİYYAT İCRA OLUNUR