İstanbulda Başakşehir xəstəxanasının açılışı olub

İstanbulda Başakşehir xəstəxanasının açılışı olub
# 20 aprel 2020 14:24 (UTC +04:00)

“İstanbulda səkkiz ayrı xəstəxanadan ibarət olan Başakşehir şəhər xəstəxanası Avropanın ən böyük intensiv terapiya tutumu olan səhiyyə müəssisəsidir”.

APA-nın yerli bürosunun xəbərinə görə, bu fikirləri Türkiyə Prezidenti Rəcəb Tayyib Ərdoğan yeni xəstəxananın videokonfrans vasitəsilə müşahidə etdiyi açılışında bildirib. Onun sözlərinə görə, xəstəxananın ikinci açılış mərhələsi 1 ay sonra - mayın 20-də olacaq.

Türkiyənin Səhiyyə naziri Fəxrəddin Qoca xəstəxananın mayın 15-dən fəaliyyətə başlayacağını deyib.

Türkiyənin Sənaye və Texnalogiyalar naziri Mustafa Varank isə vurğulayıb ki, yeni növ koronavirusa qarşı (COVİD-19) mübarizə çərçivəsində bu xəstəxanada mayın sonunadək 4 böyük türk şirkətinin yerli istehsalı olan 5 min tənəffüs sistemi cihazı istifadəyə veriləcək.

#
#

ƏMƏLİYYAT İCRA OLUNUR