“Bizim uzun və şərəfli tariximiz qürur mənbəyimizdir. Sizin qısa və qaranlıq tarixiniz isə xəcalətlə doludur”.
APA-nın yerli bürosunun xəbərinə görə, Türkiyə Respublikası Prezident Administrasiyasının Kommunikasiya İdarəsinin sədri Fəxrəddin Altun özünün “Twitter” səhifəsində bu paylaşımı edib.
Xalqların Demokrat Partiyasının (HDP) 1915-ci il hadisələri ilə bağlı açıqlamasına F.Altun “Sizin tarixiniz separatçı terror təşkilatının tarixidir” deyə sərt mövqe bildirib.
Qeyd edək ki, HDP İdarə Heyəti "Erməni soyqırımı” ilə bağlı ittiham dolu açıqlama yayımlayıb.