Türkiyə və Ukrayna prezidentləri görüşüb

Türkiyə və Ukrayna prezidentləri görüşüb
# 10 aprel 2021 17:16 (UTC +04:00)

Ukrayna Prezidenti Vladimir Zelenski bu gün Türkiyəyə səfər edib.

APA-nın yerli bürosunun xəbərinə görə, Türkiyə Prezidenti Rəcəb Tayyib Ərdoğan Vladimir Zelenski ilə İstanbulda Huber köşkündə görüşüb.

Hazırda davam edən görüş çərçivəsində Türkiyə-Ukrayna arasında əməkdaşlığın genişləndirilməsi, müdafiə sənayesi, azad iqtisadi ticarət müqaviləsi, regionda sülh və sabitliyin qorunması, Krım türklərinin həyat şəraitinin yaxşılaşdırılmasına aid layihələrin reallaşdırılmasına dair fikir mübadiləsi aparılacaq. Dövlət başçıları Rusiya və Ukrayna arasında yaranan gərginliklə əlaqədar da müzakirələr aparacaqlar.

Görüşdən sonra birgə mətbuat konfransı keçiriləcək.

Səfər çərçivəsində Türkiyə-Ukrayna Yüksək Səviyyəli Strateji Əməkdaşlıq Şurasının iclası da baş tutacaq.

#
#

ƏMƏLİYYAT İCRA OLUNUR