“Bu gün almaniyalı həmkarım Hayko Maasla əhəmiyyətli görüşümüz oldu. Dünən isə Türkiyə və Almaniya liderlərinin videokonfrans formatında görüşü baş tutdu. Pandemiyaya baxmayaraq, Almaniya ilə qarşılıqlı ticarət dövriyyəsinin həcmi artıb”.
APA-nın yerli bürosunun Türkiyə Xarici İşlər Nazirliyinə istinadən verdiyi xəbərə görə, bunu nazir Mövlud Çavuşoğlu almaniyalı həmkarı ilə birgə keçirdiyi mətbuat konfransında deyib.
O qeyd edib ki, görüş çərçivəsində ikitərəfli əlaqələr, Türkiyə-Avropa İttifaqı əlaqələri, siyasi məsləhətləşmələr, viza, turizm məsələsi, regional məsələlər, xüsusilə Liviya, Suriya, Fələstin və Əfqanıstanla bağlı fikir mübadiləsi aparılıb.