Türkiyə Milliyyətçi Hərəkat Partiyası ilk dəfə olaraq seçkilərdə bir ermənini namizəd göstərib
03 mart 2009 08:28 (UTC +04:00)
İstanbul – APA. Türkiyənin Milliyyətçi Hərəkat Partiyası (MHP) ilk dəfə olaraq seçkilərdə bir ermənini namizəd göstərib. APA-nın Türkiyə mətbuatına istinadən verdiyi məlumata görə, MHP Haço Keleş adlı ölkə vətəndaşını İstanbulun Bakırköy rayon bələdiyyəsinin üzvlüyünə namizəd irəli sürüb. H. Keleş özlərini milli azlıqdan daha çox Türkiyə vətəndaşı kimi gördüklərini deyib: “MHP-dən təklif gəldikdə bunu icmamızı ifadə etməyin yolu və mədəniyyətlərarası dialoqda rol oynamaq baxımından müsbət bir addım olaraq qiymətləndirərək qəbul etdim”. MHP-nin Bakırköy bələdiyyəsinin sədrliyinə namizədi Əsra Bicik isə partiyasının milli azlıqlarla bağlı mövqeyinin hər kəsə aydın olduğunu bildirib: “Dilindən, dinindən, irqindən asılı olmayaraq Türkiyədə yaşayan hər kəs bərabər hüquqlara malikdir. Artıq acılarımızı deyil, sevinclərimizi bölüşəcəyimiz bir Türkiyə yaratmaq üçün birlikdə hərəkət etməliyik”.
Xatırladaq ki, bələdiyyə seçkiləri martın 29-da keçiriləcək.
Xatırladaq ki, bələdiyyə seçkiləri martın 29-da keçiriləcək.
Avropa
Ukrayna və Çexiya təhlükəsizlik zəmanətləri ilə bağlı danışıqlara başlayıb
08:32
19 aprel 2024
Qrossi Rusiyaya səfər edəcək
02:25
19 aprel 2024
KİV: Ukrayna hərbçiləri sursat çatışmazlığı fonunda mövqelərini qoruya bilmirlər
22:46
18 aprel 2024
ABŞ-nin Qafqaz danışıqları üzrə baş müşaviri Gürcüstanın XİN başçısı ilə görüşüb
22:16
18 aprel 2024