Türkiyənin 38 vilaytətində 163 yanğından 152-si söndürülüb.
APA-nın yerli bürosunun xəbərinə görə, bunu Türkiyənin meşə və kənd təsərrüfatı naziri Bekir Pakdemirli mətbuata açıqlamasında bildirib.
Muğlada 5 yanğının davam etdiyini qeyd edən nazir bu gün vilayətin Marmaris rayonunda 45,5 dərəcə isti olduğunu deyib: “7 iyul 1998-ci ildə 45,3 dərəcə istilik qeydə alınıb ki, bununla da ərazidə havanın hərarəti rekord həddə çatıb”.
Nazir küləkli hava şəraitinin söndürülən yanğının bir müddət sonra yenidən alovlanmasına səbəb olduğunu da vurğulayıb: “Havada rütubətin aşağı düşməsi, quru külək yanğının istiqamətinin dəyişməsinə və sürətlənməsinə səbəb olur”.
B.Pakdemirli onu da əlavə edib ki, yanğnların söndürülməsinə 72 hava nəqliyyat vasitəsi cəlb olunub: “Hazırda 16 təyyarə və 51 helikopter yanğınlara müdaxilə edir”.
Nazir hazırda bütün dünyada meşə yanğınları təhlükəsinin olduğunu diqqətə çatdırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
