Fransa polisinə Lill yaxınlığında yerləşən Vertbaudet uşaq geyimləri şirkətinin anbarında partlayıcı qurğu yerləşdirilməsi ilə bağlı məlumat daxil olub.
APA “Agence France-Presse”ə istinadən xəbər verir ki, xəbərinin yayılmasından sonra təxminən 300 işçini şirkətdən təxliyə edilib.
Prokurorluqdan bildirilib ki, hadisə yerinə 5 mühəndis-istehkam qrupu göndərilib. Araşdırma zamanı məlum olub ki, polisə bilərəkdən yalan məlumat verilib.
Yalan xəbər verən şəxs saxlanılıb. Onun həmin anbarda müvəqqəti işçi kimi çalışdığı müəyyən edilib.