Latviyanın paytaxtı Riqada NATO ölkələrinin xarici işlər nazirlərinin iclası keçiriləcək.
APA-nın xəbərinə görə, bu barədə Latviya Xarici İşlər Nazirliyinin (XİN) mətbuat xidməti məlumat yayıb.
NATO XİN rəhbərlərinin iclası 30 noyabr -1 dekabr tarixlərində Riqada baş tutacaq.
İclasda cari təhlükəsizlik çağırışları, NATO ölkələrinin tərəfdaş ölkələr və Avropa İttifaqı ilə əməkdaşlığı barədə fikir mübadiləsi aparılacaq, təşkilatın yeni strateji konsepsiyası müzakirə olunacaq.