Avstriya kansleri Sebastian Kurts ona qarşı irəli sürülən korrupsiya şübhəsini rədd edib və bildirib ki, prokurorluğun araşdırmalarına baxmayaraq, vəzifəsini tərk etməyəcək.
APA xəbər verir ki, Kurts bunu “ORF2” telekanalının efirində deyib.
“Bəli, əlbəttə”, - Kurts ona qarşı şübhələr yaranarsa, kansler kimi vəzifəsinin icrasını davam etdirib-etdirməyəcəyi ilə bağlı sualın cavabında belə deyib.
O, əlavə edib ki, bir yerdə qanunsuz nə isə baş verəndə niyə həmişə məhz onu günahkar etmək istədiklərini başa düşə bilmir.
Kurtsun sözlərinə görə, ona qarşı bütün araşdırmalar konkret sübut olmadan aparılır.
“Avstriyada hər zaman qanunun aliliyinə və konstitusiyaya dəyər verdiyimiz üçün qanunun aliliyinə riayət etməliyik. Günahsızlıq ehtimalı mövcuddur”, - deyən Kurts onu da əlavə edib ki, təqsirinin olmasına dair qərarı yalnız məhkəmə verə bilər, ictimaiyyət deyil.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
