“Marmarisdəki meşə yanğınının söndürülməsi üçün Muğla Valiliyi ilə koordinasiyalı şəkildə fəaliyyətdə olmaqla Türkiyə ordusunun Dəniz Qüvvələrinə aid pilotsuz uçuş aparatı (İHA), tanker, su püskürtücü və kəşfiyyat vasitəsi ilə personal dəstəyi verilir”.
APA-nın yerlibürosunun xəbərinə görə, bunu Türkiyənin Milli Müdafiə Nazirliyi rəsmi twitter səhifəsində yazıb.
Bildirilib ki, Türkiyənin müxtəlif yerlərində baş verən yanğınların söndürülməsi dövlətin bir çox təşkilat və qurumları tərəfindən əlaqəli fəaliyyət göstərilir: “Marmarisdəki yanğının söndürülməsi üçün birlikdə mübarizəmiz davam edir. Yanğınsöndürmə işlərinin koordinasiyası, Hərbi Dəniz Qüvvələrimizə məxsus İHA ilə havadan anbaan alınan görüntü məlumatları verilməklə təmin olunur”.
Qeyd edək ki, Türkiyənin 21 vilayətində 63 yerdə baş verən yanğınla əlaqədar dövlət səfərbərlik elan edib.
Yanğın hadisələrində Antalyanın Manavqat rayonunda 3, Muğlanın Maramaris rayonunda isə bir nəfər ölüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
