Malatyada çökən binanın dağıntıları altından çıxarılan vətəndaşların sayı 14-ə çatıb.
APA-nın yerli bürosunun xəbərinə görə, bunu Malatyanın bələdiyyə başçısı Səlahəttin Gürkan bildirib.
O, xilas edilənlərin həyatlarına hər hansı təhlükənin olmadığını bildirib.
***
19:22
Türkiyənin Malatya şəhərində çökən binanın dağıntıları altından daha 2 nəfər yaralı çıxarılıb.
APA-nın xəbərinə görə, dağıntılar altından çıxarılanların sayı 13-ə çatıb.
Xilasetmə əməliyyatları davam etdirilir.
***
19:06
Türkiyənin Malatya şəhərində çökən binanın altından xilas edilən vətəndaşların sayı 11-ə çatıb. APA-nın yerli bürosunun xəbərinə görə, ərazidə xilasetmə əməliyyatları davam edir. Hadisənin hansı səbəbdən baş verməsi hələlik bəlli deyil.
***
19:04
Malatyada çökən binanın dağntıları altından çıxarılan yaralıların sayı 10-a çatıb. Daha 2 nəfərin isə xilas edilməsi üçün işlər aparılır.
APA-nın yerli bürosunun xəbərinə görə, Malatya vadisi Aydın Baruş açıqlamasında bildirib ki, binanın dağıntıları altında 20-dək insanın qaldığı ehtimal edilir: “Hadisəni araşdırırıq. İnşallah, sağlıqlı şəkildə vətəndaşlarımızı xilas edəcəyik”.
Ərazidə xilasetmə işləri davam etdirilir.
***
18:23
Türkiyənin Malatya şəhərində ikimərtəbəli bina çöküb, yaralılar var.
APA-nın yerli bürosunun xəbərinə görə, hadisə Malatyanın İnönü küçəsində kafe və dükan yerləşən köhnə tikintidə baş verib.
Dağıntılar altından 8 nəfər yaralı çıxarılıb. Hazırda dağıntılar altında əlavə qalan olub-olmadığı araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
