Ukrayna Prezidenti Vladimir Zelenskinin ABŞ-a rəsmi səfəri və prezident Co Baydenlə görüşü iyulun sonlarına planlaşdırılıb.
APA xəbər verir ki, bunu Ukraynanın xarici işlər naziri Dmitri Kuleba “Ukrayna-24” telekanalına açıqlamasında bildirib.
Nazir qeyd edib ki, Zelinskinin ABŞ-a səfəri zamanı Baydenlə, eləcə də bir sıra sigər vacib görüşlər planlaşdırılır.
Xarici İşlər Naziri əlavə edib ki, hazırda səfər hazırlıqlarına başlanılıb: “Özüm də daxil olmaqla böyük bir heyətlə səfər edəcəyik. Ən əsası artıq əsas razılaşmalar üzərində işləyirik”.
Xatırladaq ki, iyunun 7-də Ukrayna Prezidenti ABŞ lideri ilə telefon danışığı zamanı Baydendən Ağ Evə dəvət almışdı.