ÜST: Avropada COVID-19-a qarşı məhdudiyyətlər sərtləşdirilməsə, 500 min nəfər ölə bilər

Hans Kluqe

© APA | Hans Kluqe

# 21 noyabr 2021 02:16 (UTC +04:00)

“Avropa ölkələrində qışda koronavirusa qarşı məhdudiyyətlər sərtləşdirilməsə, 500 min nəfər ölə bilər”.

APA xəbər verir ki, bunu Ümumdünya Səhiyyə Təşkilatının (ÜST) Avropa Bürosunun direktoru Hans Kluqe BBC-yə müsahibəsində bildirib.

ÜST rəsmisinin sözlərinə görə, bununla əlaqədar mütəxəssislər tibbi maska taxmağı davam etdirməyi, eləcə də hər kəsin peyvəndlənməsini tövsiyə edir: “Soyuq havaların yaxınlaşması, bir sıra ölkələrdə daha çox yoluxucu ştammların yaranmasına şərait yaradacaq. Artıq Avropada koronavirusun növbəti dalğası müşahidə olunur”.

O, əlavə edib ki, pandemiya ilə mübarizə üçün məcburi peyvənd yalnız son çarə kimi görünməlidir: “Bu məsələ ilə bağlı həm qanunvericilik müstəvisində, həm də ictimaiyyət arasında vaxtında müzakirələrə başlamaq zərurəti meydana çıxıb. Məcburi peyvəndləməyə qərar verməzdən əvvəl başqa vasitələrə, məsələn, azadlığı qətiyyən məhdudlaşdırmayan, əksinə, onu qoruyub saxlamağa kömək edən digər vasitələrə üstünlük vermək lazımdır”.

#
#

ƏMƏLİYYAT İCRA OLUNUR