"Azərbaycan Ordusu Qarabağı 30 ildir davam edən Ermənistan işgalından yerli və milli silah sistemlerimizin də köməyilə 44 gündə xilas edib”.
APA-nın yerli bürosunun xəbərinə görə, bu sözləri Türkiyə Respublikasının Milli Müdafiə naziri Hulusi Akar Türkiyənin ilk milli heikopter mühərriki TEİ-TS1400-ün test sınaqlarından uğurla keçməsilə bağlı təşkil edilən açılış mərasimində deyib.
H. Akar deyib ki, Türkiyə Silahlı Qüvvələri (TSK) bir çox fərqli coğrafiyalarda yerli və milli imkanlarla istehsal edilən silah sistemləri vasitəsilə öz üzərinə götürdüyü dəstək missiyasını şərəflə yerinə yetirir:
"Türkiyə istehsalı silah sistemləri vasitəsilə azərbaycanlı qardaşlarımızın öz torpaqlarını azad etməsi də buna ən bariz nümunədir. Qəhrəman Azərbaycan ordusu vətən hərəkatını uğurla icra edərək Qarabağı Ermənistan zülmündən qurtardı”.
Nazir bildirib ki,Türkiyənin yerli və milli silah sistemləri bu gün bütün dünyanın diqqət mərkəzindədir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
