Yevlax rayonunun Havarlı kəndinin sakinləri Vətən Müharibəsi iştirakçısını böyük coşqu ilə qarşılayıblar.
APA-nın Mingəçevir bürosunun məlumatına görə, torpaqlarımızın azad olunması uğrunda gedən döyüşlərdə minatan atəşi nəticəsində yaralanan Qarabağ qazisi, cəsur döyüşçü Cavid Əfqan oğlu Mustafayev böyüyüb boya-başa çatdığı Havarlı kəndinə qayıdıb. Əsgərimizin qayıdışı alqışlarla qarşılanıb.
Suqovuşan istiqamətində ayağından ağır yaralanan döyüşçünün müalicəsinin ardınca doğmalarının, dostlarının arasına yenidən dönməsi hər kəsdə qürurverici anlar yaşadıb.
Qeyd edək ki, Cavid Mustafayevin atası da birinci Qarabağ döyüşlərinin iştirakçısı olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
