YAP Nəsimi rayon təşkilatının konfransı keçirilib
21 dekabr 2006 13:15 (UTC +04:00)
Yeni Azərbaycan Partiyası (YAP) Nəsimi rayon təşkilatının 6-cı hesabat-seçki konfransı keçirilib. APA-nın məlumatına görə, konfransda ötən dövr ərzində Nəsimi rayon təşkilatına 2000 nəfər yeni üzv qəbul olunduğu və üzvlərin sayının 19450 nəfərə çatdığı qeyd olunub. YAP icra katibinin müavini, millət vəkili Mübariz Qurbanlı qarşıdan 2008-ci il prezident seçkilərinin gəldiyini və partiyanın bu seçkilərdə də qələbə qazanmaq gücündə olduğunu qeyd edib. Onun sözlərinə görə, seçkilərə hələ 2 il qalmasına baxmayaraq, bu prosesə indidən hazırlaşmaq lazımdır: “Bunun üçün YAP üzvlərinin hamısı səfərbər olmalı, ölkədə həyata keçirilən işləri yerlərdə layiqincə təbliğ etməlidirlər”. M. Qurbanlı əldə olunan uğurlarla yanaşı, cəmiyyətdə hələ də bir sıra problemlərin öz həllini tapmadığını vurğulayıb. Konfransda təşkilati məsələlərə də baxılıb. Məlahət Həsənova YAP Nəsimi rayon təşkilatının sədri seçilib. Qeyd edək ki, YAP Nəsimi rayon təşkilatının əvvəlki sədri keçmiş səhiyyə naziri Əli İnsanov olub. /APA/
Daxili siyasət
XİN sabiq nazir Namiq Abbasovun vəfatı ilə bağlı paylaşım edib
23:58
27 mart 2024
PA Vətəndaş Qəbulu Mərkəzində apreldə vətəndaşların qəbul cədvəli açıqlanıb
18:07
27 mart 2024
Mərkəzi icra hakimiyyəti orqanları rəhbərlərinin vətəndaş qəbulu CƏDVƏLİ
12:42
27 mart 2024
Anev şəhərinin Türk dünyasının mədəniyyət paytaxtı seçilməsi ilə bağlı açılış mərasimi keçiriləcək
15:05
22 mart 2024