“Bu gündən dairə seçki komissiyalarının (DSK) formalaşdırılmasına başlanılacaq”.
Bunu APA-ya açıqlamasında “Respublikaçı Alternativ” (REAL) Partiyasının icra katibi Natiq Cəfərli deyib.
N. Cəfərli bildirib ki, bununla bağlı Mərkəzi Seçki Komissiyasının bu gün iclası keçiriləcək: "DSK-ların formalaşdırılması prosesində REAL Partiyası da iştirakı edəcək. Qanuna uyğun olaraq həm DSK-larda, həm də məntəqə seçki komissiyalarında nümayəndələrimiz olacaq”.
Qeyd edək ki, Seçki Məcəlləsinə əsasən, hər DSK-nın 9 üzvü olur, onlardan 3-nün namizədliyi deputatları Milli Məclisdə (MM) çoxluq təşkil edən siyasi partiyanı (indiki halda YAP) MSK-da təmsil edən komissiya üzvləri tərəfindən, 3-nün namizədliyi deputatları MM-də azlıq təşkil edən siyasi partiyaları MSK-da təmsil edən komissiya üzvləri tərəfindən, 3 üzvün namizədliyi isə heç bir siyasi partiyaya mənsub olmayan MM deputatlarını MSK-da təmsil edən komissiya üzvləri tərəfindən təqdim olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
