İcma: Milli Qəhrəman adının Azərbaycan Prezidentinə rəsmi şəkildə təqdim olunmasını ürəkdən arzu edirik

   İcma: Milli Qəhrəman adının Azərbaycan Prezidentinə rəsmi şəkildə təqdim olunmasını ürəkdən arzu edirik
# 24 dekabr 2020 10:27 (UTC +04:00)

Dağlıq Qarabağ bölgəsinin azərbaycanlı icmasının idarə heyəti Azərbaycan Prezidenti İlham Əliyevə Azərbaycanın Milli Qəhrəmanı adının verilməsi təklifi ilə çıxış edib.

APA xəbər verir ki, idarə heyətinin üzvləri bununla bağlı məktub ünvanlayıblar.
Məktubda deyilir: “Azərbaycan Respublikasının Prezidenti cənab İlham Əliyev ölkəmizə rəhbərlik etdiyi illər ərzində xalqımızın rifahı naminə və vətənimizin tərəqqisi üçün yorulmadan çalışıb. Onun rəhbərliyi altında ölkəmiz nəinki regionda, eləcə də qlobal səviyyədə böyük nüfuza malik dövlətlər sırasına daxil olub.

Azərbaycanın ərazi bütövlüyünün bərpa edilməsi ilə nəticələnmiş şanlı qələbəmizin əldə edilməsindəki roluna və vətənimizin tərəqqisi naminə misilsiz xidmətlərinə görə möhtərəm Prezident cənab İlham Əliyevə Azərbaycanın Milli Qəhrəmanı adının verilməsini arzu edirik.

Xalq-Prezident-Ordu birliyindən irəli gələn dövlətimizin gücünə 44 günlük Vətən müharibəsi dövründə bütün dünya şahid oldu.

Bu dönəm ərzində Prezident cənab İlham Əliyev qalib ordunun müzəffər Ali Baş Komandanı kimi döyüş meydanında uğurlu hərbi əməliyyata rəhbərlik etdi, mahir diplomat kimi Azərbaycan xalqının haqlı mövqeyini beynəlxalq təzyiqlərə rəğmən uğurla müdafiə etdi və informasiya müharibəsində yorulmadan mübarizə aparıb düşmənlərimizin qarayaxma kampaniyalarını qətiyyətlə ifşa etdi.

Azərbaycan tarixinə adı qızıl hərflərlə yazılmış müzəffər Ali Baş Komandan xalqın qəlbində artıq Azərbaycanın Milli Qəhrəmanına çevrilib. Bu adın cənab Prezidentə rəsmi şəkildə təqdim edilməsini ürəkdən arzu edirik”.

#
#

ƏMƏLİYYAT İCRA OLUNUR