Azərbaycan Respublikasının ərazisində qeyri-islam dini icmalarının dini mərkəzinin yaradılma qaydası müəyyənləşir.
APA-nın məlumatına görə, bu, “Dini etiqad azadlığı haqqında” qanuna təklif edilən dəyişiklikdə əksini tapıb.
Layihəyə əsasən, Azərbaycan Respublikasının ərazisində qeyri-islam dini icmalarının dini mərkəzi (idarəsi) bu Qanuna və “Hüquqi şəxslərin dövlət qeydiyyatı və dövlət reyestri haqqında” qanuna uyğun olaraq dövlət qeydiyyatına alınmış və Azərbaycan Respublikasının azı 5 (beş) şəhər və rayonunda (şəhər rayonu istisna olmaqla) fəaliyyət göstərən eyni dini etiqadlı 5 (beş) dini icmanın yığıncağında (qurultay, konfrans və s.) yaradıla bilər.