Ermənistan yığmasının baş məşqçisi Yan Porterfild xərçəng xəstəliyinə tutulub
06 mart 2007 08:16 (UTC +04:00)
Futbol üzrə Ermənistan yığma komandasının şotlandiyalı baş məşqçisi Yan Porterfild bir neçə həftəliyə vəzifəsindən uzaqlaşıb. “APA-Sport” agentliyinin məlumatına görə, Y.Porterfildin bağırsağında xərçəng xəstəliyi aşkar olunduğundan bir müddət müalicəyə ehtiyacı var: “Son həftələr heç cür sağalmadığımdan yerli xəstəxanaların birinə müraciət etdim. Həkimlər bir neçə müayinədən sonra bağırsağımda xərçəng xəstəliyi aşkara çıxardılar. Bu xoşagəlməz olay ailə üzvlərimlə yanaşı, Ermənistan Futbol Federasiyasına da mənəvi cəhətdən böyük zərbə oldu. Həkimlər sağalmağımla bağlı nikbin fikirdə olsalar da, tezliklə əməliyyat olunmalıyam. Buna görə, bir neçə həftə işimdən kənar qalmalıyam. Bununla belə, tezliklə sağalıb Ermənistan yığmasında fəaliyyətimi davam etdirmək niyyətindəyəm”. /APA-Sport/
Döyüş növləri
FHN-in karate komandasının idmançıları dünya çempionatında uğur qazanıblar
17:28
18 aprel 2024
FHN-in karate komandasının idmançıları uğur qazanıblar
12:53
9 aprel 2024
Daha bir güləşçimiz olimpiadaya lisenziya qazanıb
19:19
7 aprel 2024
Hacı Əliyev Yay Olimpiya Oyunlarına vəsiqə qazanıb
18:54
7 aprel 2024