AFFA İntizam Komitəsinin (İK) bu gün keçirilən iclasında Azərbaycan I divizionunun XIV turunun oyunları ilə bağlı qərarlar qəbul edilib.
Apasport.az saytının məlumatına görə, komitənin iki oyunla bağlı verdiyi cəza xüsusi diqqət çəkib.
“Turan Tovuz” – “Səbail-2” görüşü polis və təcili yardım maşını vaxtında stadiona gəlmədiyindən 13 dəqiqə gec başlayıb. Bu, meydan sahiblərinə 160 manat cərimə bahasına başa gəlib.
“Sumqayıt-2” – “Qaradağ Lökbatan” matçında isə “Qaradağ Lökbatan”ın futbolçusu sifariş vərəqəsində qeyd olunmuş nömrəsindən fərqli nömrəli formada meydana çıxdığı üçün klub 80 manat cərimə olunub.